ថ្ងៃពុធ ទី៩ ខែសីហា ឆ្នាំ២០១៧ ម៉ោង ១៧:០២ (09-08-2017 17:02)
រាជធានីភ្នំពេញ ៖ សេចក្តីរាយការណ៍ឱ្យដឹងថា រថយន្តប្រភេទសណ្តោងកុងតឺន័រ២គ្រឿងបានជ្រុលបុកគ្នាយ៉ាងទំហឹង បណ្តាលឱ្យមួយគ្រឿងឡើងលើខឿនផ្លូវក្រឡាប់ទៅប៉ះបង្គោលភ្លើងទ្រេតអស់១ដើម ក្រោយពីព្យាយាមបើកជែងជាមួយរថយន្តដឹកដីមួយគ្រឿងក្នុងទិសដៅស្របគ្នានោះ ដែលហេតុការណ៍ដ៏រន្ធត់នេះកើតឡើង កាលពីវេលាម៉ោង០៣ និង៤៥នាទីរសៀលថ្ងៃទី០៩ សីហា ស្ថិតត្រង់តាមបណ្តោយផ្លូវអូរដឹម ក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ។
សេចក្តីរាយការណ៍បន្តថា រថយន្តដែលក្រឡាប់ម៉ាកហ៊ីណូ ពណ៌ក្រហម ពាក់ស្លាកលេខភ្នំពេញ 3C-2892 អ្នកបើកបរត្រូវបានរងរបួស តែគេចខ្លួនបាត់ហើយ ។ ដោយឡែក រថយន្តមួយគ្រឿងទៀតមានតែក្បាលសណ្តោងទូកុងតឺន័រ ពាក់ស្លាកលេខ 3A-1347 ត្រូវអ្នកបើកគេចខ្លួនដែរ ។
ទាក់ទិនករណី មិនមានអ្នកអះអាងច្បាស់ពីមូលហេតុនោះទេ គ្រាន់តែដឹងថា ដំបូងរថយន្តទាំង២គ្រឿងនេះ បានព្យាយាមបើកជែងជាមួយរថយន្តដឹកដីហើយក៏ជ្រុលបុកគ្នាតែម្តង ។ បច្ចុប្បន្ន សមត្ថកិច្ចនគរបាលចរាចរណ៍កំពុងចុះអន្តរាគមន៍នៅកន្លែងកើតហេតុហើយ ។
<iframe width="610" height="366" src="https://www.youtube.com/embed/WzPrglEp32Y" frameborder="0" allowfullscreen></iframe>
No comments:
Post a Comment